Gəncədə dekabrın 19-u eyni gündə dəfn olunan üç şəhidin xatirəsi anılıb.
Mərasim Şəhidlər xiyabanında keçirilib. Hərbi orkestrin müşayiəti ilə baş tutan tədbirdə mərhumların yaxınları, Gəncə şəhər İcra Hakimi Niyazi Bayramov, sakinlər və qazilər iştirak ediblər. Şəhid Şahin Bayramov, Azad Abbasov və Səyyar Arazovun ruhlarına dualar oxunub, məzarları önünə güllər düzülüb.
Şahin Arif oğlu Bayramov 4 yanvar 1992-ci ildə Gəncə şəhərində dünyaya gəlib. O, 1 oktyabr 2020-ci ildə Kəlbəcər istiqamətində gedən döyüşlərdə şəhidlik zirvəsinə ucalmışdır. 19 dekabrda isə Gəncə şəhərinin Şəhidlər xiyabanında dəfn edilib. Şəhidimizin vətənə 2 övladı yadigar qalıb.
Azad Novruz oğlu Abbasov 6 iyul 1977-ci ildə Göygöl rayonunda anadan olub. 29 sentyabr 2020-ci il tarixində Murovdağ istiqamətində gedən döyüşlərdə şəhidlik zirvəsinə ucalmışdır. 19 dekabrda isə Gəncə şəhərinin Şəhidlər xiyabanında dəfn edilib. Şəhidimizin vətənə dörd övladı yadigar qalıb.
Səyyar Güloğlan oğlu Arazov 21 iyul 1987-ci ildə Gəncə şəhərində dünyaya göz açıb. 30 sentyabr 2020-ci il tarixində Kəlbəcər rayonu uğrunda gedən döyüşlərdə şəhid olmuşdur. 19 dekabr isə Gəncə şəhərinin Şəhidlər xiyabanında dəfn olunub. Şəhidimizin 2 övladı yadigar qalıb.
[caption id="attachment_7016" align="alignnone" width="300"]
Foto Gencexeber.az[/caption]
