Yeni Gəncə qəsəbəsində minik maşını qəza törədib. Bu haqda Gencexeber.az-a yanvarın 20-si məlumat daxil olub.
Hadisə şəhərin 28 may küçəsində saat 22:00 radələrində qeydə alınıb. Yüksək sürətlə hərəkət edən "VAZ-2107" avtomobilinin sürücüsü idarəetməni itirib. Bu zaman maşın piyada səkisinə çırpılıb. Qəza zamanı xəsarət alan olmayıb.
Sözügedən əraziyə polis əməkdaşları cəlb olunub.
