Gəncə ümumtəhsil ocaqlarında 20 yanvar faciəsinin 32-ci ildönümü ilə əlaqədar rəsm sərgiləri təşkil olunub. Bu haqda sözügedəcək məktəblərin Facebook səhifəsində məlumat dərc edilib.
Gəncə şəhər İsmət Qayıbov adına 1 nömrəli tam orta məktəbdə müsabiqə təşkil olunub. Şagirdlər tədbirdə 20 Yanvar faciəsinin həqiqətlərindən bəhs edən əl işləri ilə iştirak ediblər.
Şəhərin 27 nömrəli məktəb-liseyinin aşağı sinif şagirdləri faciə ilə bağlı hiss etdiklərini kağız üzərinə köçürüblər. Rəsm işləri rəhbərlik tərəfindən ayrılmış guşədə nümayiş olunur.
