Gəncədə məşğulluqla bağlı növbəti tədbir keçirilib. Bu haqda 14 oktyabr tarixində İcra Hakimiyyətinə istinadən məlumat veririk.
Görüşdə icra başçısının müavini Adil Tağıyev, Dövlət Məşğulluq Agentliyinin Gəncə-Daşkəsən Məşğulluq filialının, Dövlət Sosial Müdafiə Fondunun Regional filialının, Dövlət Əmək Müfəttişliyi Xidmətinin Regional şöbəsinin, Dövlət İdarələri və İctimai Xidmət İşçiləri Həmkarlar İttifaqının Gəncə Şəhər Komitəsinin, şəhər ərazisində yerləşən bələdiyyələrin və Gəncə avtomobil zavodunun əməkdaşları iştirak ediblər.
Burada qeyri-formal məşğulluğun qarşısının alınması istiqamətində qanunvericilikdə nəzərdə tutulan imkanlar və sanksiyalar barədə müzakirələr aparılıb. Həmçinin işsizliyin azaldılması məqsədilə işaxtaran və ya işsiz şəxslərə müvafiq bilik və bacarıq verməklə, qısa müddətdə əmək bazarının tələblərinə cavab verən ixtisaslı kadrların hazırlanmasında peşə hazırlığının əhəmiyyətindən danışılıb.
Qeyd edək ki, görüş Gəncə Avtomobil Zavodunda baş tutub.
