Gəncə Amerika Mərkəzində məlumat sessiyası keçiriləcək

Gəncədə məlumat sessiyası təşkil olunacaq. Bu haqda 3 fevral tarixində Gəncə Amerika Mərkəzinə istinadən məlumat veririk.

“Rəssamlara və Mədəniyyət Peşəkarlarına dəstək üçün mobillik qrantlarına çağırış” mövzusunda tədbir 9 mart saat 15:00-da Gəncə Amerika Mərkəzində (Nizami prospekti, 81 ünvanında, Mərkəzi kitabxananın binası) keçiriləcək.

Layihə çərçivəsində səyahət, yaşayış, viza, təcrübə, təhsil səfərləri, konfranslar (onlayn/oflayn), peşəkar inkişaf və başqa ölkədə həyata keçirilən bilik mübadiləsini və mədəniyyətlərarası dialoqu təşviq edən digər fəaliyyətlər üçün qeydiyyat xərcləri qarşılanır. İştirak üçün sənədlərin təqdim ediləcəyi son tarix 27 martdır.

9 mart keçiriləcək sessiyada “EU4Culture” layihəsinin Azərbaycan üzrə Milli Koordinatoru Firuzə Bağır iştirakçılara müraciət prosesi ilə bağlı təlimat verəcək.

Layihə iştirakçılarını aşağıdakı fəaliyyətlər gözləyir:

• Reklam və Marketinq (PR və kommunikasiya fəaliyyəti, reklam);


• Memarlıq (Memarlıq fəaliyyəti);


• Yaradıcı oyun sənayesi;


• Yaradıcı və ya mədəni təhsil və/və ya tədqiqat;


• Yaradıcılıq mərkəzləri;


• Yaradıcı və ya ənənəvi sənətkarlıq;


• Dizayn, məsələn məhsul, qrafika və moda dizaynı;


• Film və video, məsələn kino və video istehsalı, TV, radio, yayım;


• Təsviri sənətlər, məsələn fotoqrafiya, rəssamlıq, yeni media sənəti;


• Qastronomiya və ənənəvi kulinariya sənayesi;


• İT, Proqram təminatı və kompüter xidməti yaradıcı proqram təminatının inkişafı, o cümlədən mədəniyyət və yaradıcı kompüter əsaslı xidmətlər Ədəbiyyat və Nəşriyyat (tərcümə və dilmanclıq fəaliyyəti);


• Muzeylər, arxivlər, qalereyalar və kitabxanalar;


• Musiqi, ifaçılıq və təsviri incəsənət (səs yazısı, musiqi fəaliyyəti, mədəni maariflənmə, ifa sənəti, bədii yaradıcılıq, festivallar).