Gəncədə yeni layihənin təqdimatı baş tutub. Bu haqda 17 fevral tarixində Gənclər və İdman Baş idarəsinə istinadən məlumat veririk.
"Gələcəyin Fərqində" layihəsi təqdim olunub. Açılış mərasimində Gənclər və İdman Baş İdarəsinin rəisi Həmid Nəsirov, YAP Gəncə şəhər təşkilatının sədr müavini Nürəddin İbrahimov, layihələr üzrə ekspert Tural İsaqov və gənclər iştirak ediblər. Layihə rəhbəri Nərmin Daşdəmirbəyli proyekt haqqında ətraflı məlumat verib və "Valideyn-övlad münasibəti" mövzusunda gənclər üçün təlim keçirilib.
Məqsəd gənclərin maariflənməsi, gənc valideynlərin doğru tərbiyə metodları ilə tanış olması, bu metodları övladlarına tətbiq etməsi və övladlarının sağlam gələcək qurmasına dəstək göstərməsidir.
Bildirilib ki, layihə 2 ay ərzində Gəncə, Bakı, Tovuz, Mingeçevir və Şəki şəhərlərində davam edəcək.
