Gəncədə mülki müdafiə kursu keçirilib. Bu haqda 2 avqust tarixində Fövqəladə Hallar Nazirliyinə istinadən xəbər veririk.
“Ümumtəhsil orta məktəblərin təlim-tərbiyə işləri üzrə direktor müavinləri” kateqoriyası üzrə kurs Fövqəladə Hallar Nazirliyinin Gəncə Regional Mərkəzi tərəfindən təşkil olunub. Burada fərdi və kollektiv mühafizə vasitələrindən istifadə, təxliyə planlarının düzgün hazırlanması, təbii və texnogen xarakterli fövqəladə hadisələr zamanı düzgün davranış qaydaları izah edilib. Həmçinin mövzulara aid fotoslayd və videoçarxlar göstərilib.
FHN-in digər qurumlarının yerli struktur bölmələrinin əməkdaşları da tədris prosesində iştirak ediblər.
Sonda kursu uğurla başa vurmuş dinləyicilərə şəhadətnamələr təqdim olunub.
