Gəncədə yeni layihəyə start verilir. Bu haqda 18 oktyabr tarixində Regional Təhsil İdarəsinə istinadən məlumat veririk.
“Fərqli Sən” layihəsi Gəncə-Daşkəsən Regional Təhsil İdarəsinin təşkilatçılığı ilə həyata keçiriləcək. Burada 3 yaş kateqoriyasında (6-9, 10-13, 14-17) uşaq və yeniyetmələr iştirak edəcəklər.
Şagirdlər 30 oktyabr tarixinədək sorğu linkinə daxil olaraq, özləri haqda məlumatları və qabiliyyət sahələrinə aid xananı (və ya xanaları) seçərək orada müvafiq qeydlər aparacaqlar. Daha sonra hər sahə üzrə peşəkarlar tərəfindən şagirdlərin bacarıqları yoxlanılacaq.
Meyarlara uyğun hesab edilən şagirdlər “Fərqli Sən” layihəsində qalib hesab edilərək, idarənin “istedadlı şagirdlər” bankına əlavə ediləcəklər.
Qeydiyyat üçün link:
https://forms.office.com/r/xsVdhJaysP
Layihənin məqsədi istedadlı uşaqların üzə çıxarılması, onların qabiliyyət və yaradıcılıq imkanlarının aşkarlanması, inkişaf etdirilməsidir.
