Gəncədə texniki sertifikat proqramı start götürür. Bu haqda 17 yanvar tarixində Azərbaycan Dövlət Aqrar Universitetinə istinadən məlumat veririk.
USAID Özəl Sektorun İnkişafı Layihəsi (PSA) “Ferrero” şirkəti (HCo) və Azərbaycan Dövlət Aqrar Universiteti (ADAU) ilə birlikdə Fındıqçılıq Üzrə Texniki Sertifikat Proqramına (TSP) başlayır. Proqrama "aqronomluq", "torpaqşünaslıq və aqrokimya", "bitki mühafizəsi" və "bağçılıq və tərəvəzçilik" ixtisaslarının sonuncu kurs tələbələri və məzunları qatıla bilərlər.
Burada fındıq istehsalından məhsul yığımına qədər fındıq istehsalı prosesinə rəhbərlik edərək praktiki təhsil təcrübəsi təmin ediləcək. Layihədə nəzəri və praktiki təlimlər keçiriləcək. İlk təlim sessiyası 21-22 yanvar tarixlərində baş tutacaq.
Layihəyə karyera@adau.edu.az elektron ünvanına CV göndərməklə müraciət edən və uyğun hesab edilən ilk 35 nəfər şəxsin müraciəti qəbul edilərək təsdiqlənəcək. Əlavə sual və yaxud təkliflə bağlı olaraq müraciət edənlər ADAU Təcrübə və Karyera Mərkəzinə (Mühəndislik fakültəsi, otaq 246) yaxınlaşa bilərlər.
Qeyd olunub ki, Daha əvvəl TSP proqramlarında iştirak edən şəxslər cari layihədə iştirak edə bilməyəcəklər.
