Gəncədə müəllim və valideynlər üçün təlim keçirilib. Bu haqda 21 fevral tarixində 9 nömrəli tam orta məktəbə istinadən məlumat veririk.
"Emosional intellekt - effektiv ünsiyyət üçün əsas təməl" mövzusunda təlim İlham Ali Yusifin təqdimatında baş tutub. Tədbirdə 9 nömrəli tam orta məktəbin müəllim və valideynləri iştirak ediblər.
Layihə 20 nəfərlik müəllim heyətinin mütərəqqi təcrübələrə yiyələnməsi və tətbiqi üçün ölkəmizin və dünyanın qabaqcıl təhsil məktəblərinin təcrübəsini bölüşməyi planlaşdırır. Müəllim-valideyn iş birliyini gücləndirmək üçün bir sıra fəaliyyətlər həyata keçiriləcək və 20 valideyn təlim və məlumat sessiyalarına cəlb olunacaq. Həmçinin layihə çərçivəsində müəllim-valideyn forumunu keçirmək nəzərdə tutulub.
