Gəncədə səhər idmanı təşkil olunacaq. Bu haqda 3 mart tarixində Gənclər və İdman Baş İdarəsinə istinadən məlumat veririk.
Gənclər və İdman Baş İdarəsi gənclərin təşəbbüsü və istəyini nəzərə alaraq, "İdman hamı üçün!" şüarı altında tədbir keçirəcək. Baş idarə hər kəsi 4 mart saat 9:00-da Xan bağında səhər idmanına dəvət edir.
Tədbir peşəkar idman ustasının təlimatları əsasında baş tutacaq. Səhər idmanından sonra çay süfrəsində gənclərlə müxtəlif mövzularda müzakirələr aparılacaq və təşəbbüslərin dəstəklənməsinə dair qərarlar alınacaq.
