Gəncədə KOBİM tərəfindən növbəti təlim keçirilib. Bu haqda 22 sentyabr tarixində Gəncə KOBİM-ə istinadən məlumat veririk.
Maarifləndirici tədbir "Daxili nəzarət və audit işinin təşkili" mövzusunda təşkil olunub. Burada 9 nəfər iştirak edib. Təlimdə KOBİM-in eksperti tərəfindən marketinq auditi və onun məqsədi, müasir alət və üsulları, marketinq ilə bağlı verilən qərarların nəticələrinin ölçülməsi və idarə edilməsi barədə ətraflı məlumat verilib.
Həmçinin daxili nəzarət və risklərin idarə edilməsi işinin təkmilləşdirilməsi, biznes risklərinin idarə edilməsi, potensial risklərin təyini barədə danışılıb.
Sonda iştirakçıların sualları cavablandırılıb.
