Gəncədə seminar keçirilib. Bu haqda 26 oktyabr tarixində Şəhər Birləşmiş Xəstəxanasına istinadən xəbər veririk.
Şəhər Birləşmiş Xəstəxanasının İlkin Səhiyyə Xidmətinin (İSX) və Gəncə Dövlət Universitetinin birgə təşəbbüsü ilə bu təhsil müəssisəsində "Düz Xətt" adlı fərdi-psixoloji inkişaf seminarı təşkil olunub. Burada İSX-nin rəhbəri Xalidə Sadıqova və xəstəxananın psixoloqu Zahid Tağıyev, 200 nəfərə yaxın tələbə və müəllim iştirak ediblər.
Xalidə Sadıqova seminarda ailə sağlamlıq mərkəzləri haqqında və xəstəxananın tərkibində psixoloji yardım və loqopedik mərkəzin fəaliyyət göstərməsi barədə danışıb. Daha sonra Zahid Tağıyev təqdimatla çıxış edib.
Sonda bu kimi tədbirlərin fərqli mövzularla davamlı olması təklif olunub.
