Gəncədə tədbir baş tutub. Bu haqda 18 oktyabr tarixində İcra Hakimiyyətinə istinadən xəbər veririk.
Azərbaycan Dövlət Müstəqilliyinin Bərpasının 32-ci ildönümü münasibətilə tədbir keçirilib. Yığıncaq İcra Hakimiyyətinin dəstəyi, Dini Qurumlarla İş üzrə Dövlət Komitəsinin Gəncə bölgəsi üzrə şöbəsinin və Regional Mədəniyyət İdarəsinin birgə təşkilatçılığı ilə baş tutub.
Burada DQİDK Gəncə Bölgəsi üzrə şöbənin müdiri Həsən Məmmədov, Regional Mədəniyyət İdarəsinin rəisi vəzifəsini icra edən Pərvin Kazımov, icra başçısı aparatının nümayəndəsi, şöbənin əməkdaşları, Mədəniyyət İdarəsinin kollektivi və ictimaiyyət nümayəndələri iştirak ediblər. Onlar Azərbaycanın 1991-ci ildə ikinci dəfə müstəqilliyə qovuşmasından və özünün Azərbaycan Xalq Cümhuriyyətinin varisi olduğunu dünyaya bəyan etməsindən danışıblar.
