Gəncə sakinlərinə müraciət olunub. Bu haqda 16 mart tarixində MKTİB-yə istinadən məlumat veririk.
Şəhər İcra Hakimiyyəti sakinlərə şəhərin müxtəlif ərazilərində keçirilən "Abad məhəllə" layihəsi ilə bağlı müraciət edib. Onlardan binaların qarşısında yaradılan şəraitin qorunması, idman qurğularından, yenicə qurulmuş uşaq meydançalarından səliqə ilə istifadə edilməsi, ərazinin təmiz saxlanılması xahiş olunur.
Xatırladaq ki, bir müddət öncə şəhərin birinci mikrorayon və Gülüstan qəsəbəsi ərazilərindəki binaların abadlaşdırılmış həyətlərinə uşaq meydançaları quraşdırılıb.
