Gəncədə MKTİB gücləndirilmiş iş rejimində çalışır. Bu haqda 9 yanvar tarixində quruma istinadən məlumat veririk.
Şəhər ərazisində müşahidə edilən qarlı və yağıntılı hava şəraiti ilə bağlı MKTİB-nin canlı qüvvə və texnikaları vasitəsilə səhər saatlarından başlayaraq yolların, eləcə də piyada səkilərinin qardan təmizlənməsi işləri aparılır. Qurumun anbarlarına tədarük olunan qum və duzdan istifadə olunmaqla şəhərin bütün yolları və piyada səkiləri buzdan təmizlənib.
Gücləndirilmiş iş rejimi ilə bağlı olaraq, MKTİB-nin 14 Ərazi Xidmət Sahəsinin hər birinə binaların qarşısını və səkiləri qardan təmizləmək üçün lazımi sayda kürək, bel, işçilərə isə xüsusi qış geyimləri paylanılıb. Hava şəraitinin gecə saatlarına doğru şaxtalı olması və yolların buz bağlaması nəzərə alınaraq qurumun müxtəlif təyinatlı texnikaları növbəlilik əsasında yollara qum-duz qarışığı səpir.
