Gəncədə ali təhsil ocağında Məzun günü keçirilib. Bu haqda 24 iyun tarixində Kəpəz televiziyasına istinadən məlumat veririk.
Azərbaycan Texnologiya Universitetində Məzun günü qeyd edilib. Tədbir universitetin həyətində təşkil olunub. Burada millət vəkilləri, ali məktəb rəhbərləri, özəl qurumların nümayəndələri, ali təhsil müəssisələrinin məzunları, valideynlər və digər qonaqlar iştirak ediblər.
Məzunları təbrik edən universitet rəhbərliyi onlara gələcək həyatlarında və fəaliyyətlərində uğurlar arzulayıb. Təhsildə fərqlənən, o cümlədən Vətən müharibəsində iştirak etmiş məzunlar fəxri fərmanlarla təltif ediliblər.
Qeyd edək ki, 2022-2023-cü tədris ilində Azərbaycan Texnologiya Universitetini 660 bakalavr və 170-dən çox magistr bitirib.
