Bu gün şəhid Azad Məmmədov və Allahverdi Həsənovun doğum günüdür.
Azad Ənvər oğlu Məmmədov 24 mart 1958-ci ildə Gəncədə anadan olub. Orta təhsilini 6 saylı məktəbdə alıb. Azad Milli Azadlıq Hərəkatında fəal iştirak edib.
1993-cü ilin oktyabrında Nizami Rayon Hərbi Komissarlığından səfərbərliyə alınıb. I Qarabağ müharibəsində bir neçə kəndin müdafiəsində qəhrəmanlıq göstərıb. Azad Ənvər oğlu Məmmədov 11 aprel 1995-ci ildə Ağcabədidə gedən qızğın döyüşlərin birində şəhidlik zirvəsinə ucalıb.
Allahverdi Qurban oğlu Həsənov 24 mart 1960-cı ildə Göyçə mahalında anadan olub. O, Cil kənd orta məktəbini bitirdikdən sonra, 1978-ci ildə həqiqi həbi xidmətə çağırılıb və Ukraynada xidmət edib. O, 1980-ci ildə hərbi xidmətdən qayıtdıqdan sonra yaşadığı kənddə təsərrüfatla məşğul olub.
Həsənov 1984-cü ildə Xarkov şəhərində hərbi məktəbə daxil olub, oranı əla qiymətlərlə bitirdikdən sonra təyinatla Gəncə şəhərinə göndərilib. I Qarabağ müharibəsi zamanı Allahverdi 1993-cü ildə könüllü olaraq cəbhəyə yollanıb.
Allahverdi Qurban oğlu Həsənov 1 yanvar 1994-cü ildə Kəlbəcər rayonunun Yanşaq kəndində gedən qızğın döyüşlərdə şəhidlik zirvəsinə ucalıb.
