Gəncədə mülki müdafiə ilə bağlı iclas baş tutub. Bu haqda 21 iyul tarixində İcra Hakimiyyətinə istinadən məlumat veririk.
“İrimiqyaslı fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda kompleks mülki müdafiə təlimi keçiriləcək. Məşğələlər 2-4 avqust tarixlərində təşkil olunacaq.
Təlimə hazırlıq məqsədilə İcra Hakimiyyətində metodiki toplantı keçirilib. Burada icra başçısı Niyazi Bayramov, şəhər Baş Polis İdarəsinin, FHN Gəncə Regional Mərkəzinin, Gəncə Dövlət Yanğından Mühafizə İdarəsinin rəhbərliyi, bələdiyyə sədrləri və digər aidiyyəti şəxslər iştirak ediblər. Toplantıda təlimin keçiriləcəyi ərazi və digər məsələlərlə bağlı ətraflı danışılıb. Müvafiq müəssisələrin rəhbərlərinə lazımi tapşırıqlar verilib, təlimin gedişində diqqət edilməli olan məsələlər müzakirə olunub.
