Gəncədə bir sıra küçələrdə asfalt örtüyü yoxdur. Bu haqda Gencexeber.az-a 13 fevral tarixində məlumat daxil olub.
Belə ərazilərdən biri Dədə Qorqud küçəsi ilə Nizami Gəncəvi küçəsinin kəsişməsində olan yaşayış kvartalıdır. Burada illərdir asfalt örtüyü yoxdur. Sakinlər yayda toz, digər fəsillərdə isə palçıqdan əziyyət çəkdiklərini bildirirlər.
Eyni hal Süleyman Rəhimov və Əziz Əliyev küçələrini birləşdirən yoldan gedir. Burada da asfalt örtüyü yoxdur. Bundan başqa, küçənin adını göstərən tablo da mövcud deyil.
Aslan bəy Safikürdski, Səməd Vurğun, Eminbəyli küçələri və Nizami Gəncəvi prospektinin sonuncu dalanlarının birində də eyni vəziyyət hökm sürür. Bəzilərində asfalt örtüyü olsa da, quyular var. Yağmurlu hava şəraitində həmin çalalar su ilə dolur və gölməçələr yaranır. Bundan başqa, bir sıra lüklərin ağzı açıqdır. Bu isə öz növbəsində sürücü və piyadalar üçün təhlükə yaradır.
Dədə Qorqud küçəsi, 9-cu kvartalda da sakinlər çətinliklərlə üz-üzə qalırlar. Belə ki, yağış yağanda əmələ gələn gölməçələrin böyüklüyü burada yaşayanlar üçün istifadə edəcək yol qoymur. Sakinlər məcbur olaraq palçığın içindən keçməli olurlar.
[modula id="32651"]
