Gəncədə tibb mərkəzlərinin birində tədbir baş tutub. Bu haqda 17 noyabr tarixində Şəhər Birləşmiş Xəstəxanasına istinadən xəbər veririk.
Perinatal Mərkəzdə 17 noyabr - Beynəlxalq Vaxtından Əvvəl Doğulan Uşaqlar Günü qeyd edilib. Burada mərkəzin şöbə müdiri Zülfiyyə Yusifova bildirib ki, son 10 ay ərzində 610 vaxtından əvvəl uşaq dünyaya gəlib. Ətraf bölgələrdən isə 131 vaxtından əvvəl doğulmuş uşaq göndərilib. Onlara Perinatal Mərkəzdə tibbi xidmət göstərilib və müalicə aldıqdan sonra ailələrinə qovuşublar.
Tədbirin məqsədi vaxtından əvvəl doğulan körpələrin sağ qalması üçün səylərin artırılması, belə halların başvermə riskinin minimuma endirilməsi, hamilə qadınların düzgün qidalanmaları, onların sağlamlıqlarının qorunması üçün maddi, mənəvi və tibbi yardımın göstərilməsi istiqamətində məlumatlandırmaqdır.
