Gəncədə bir sıra sakinlər qaz təchizatı ilə bağlı çətinlik yaşayırlar. Bu haqda Gencexeber.az-a 22 avqust tarixində məlumat daxil olub.
Sözügedən hal şəhərin Fikrət Əmirov küçəsində müşahidə edilir. Sakinlər qazın təzyiqinin az olmasından narazıdırlar. Onlar qeyd ediblər ki, qış üçün tədarük görə bilmirlər.
“Yay girəndən bu vəziyyətdəyik. Videoda da təzyiq çox zəif olduğu üçün hiss olunmur qazın yanmağı. Çaydanı qoyuruq qaynamağa, saat yarım gözləyirik ki, isinsin. Qış üçün banka bağlamaq, mürəbbə, turşu hazırlamaq mümkün deyil. Qazın təzyiqinin gücləndirilməsini arzu edirik”, - deyə sakinlər bildiriblər.
