Gəncədə maarifləndirmə tədbiri keçirilib. Bu haqda 23 fevral tarixində İcra Hakimiyyətinə istinadən məlumat veririk.
“Azərbaycan dilinin qloballaşma şəraitində zamanın tələblərinə uyğun istifadəsi” mövzusunda tədbir İcra Hakimiyyəti və AMEA Gəncə bölməsinin təşkilatçılığı ilə dövlət idarəçiliyində, kütləvi informasiya vasitələrində Azərbaycan ədəbi dilinin düzgün təbliğ olunması məqsədilə baş tutub. Burada İH-nin, AMEA Gəncə bölməsinin, Kəpəz və Nizami bələdiyyələrinin, habelə yerli KİV-lərin nümayəndələri iştirak ediblər.
Məruzələrdə Azərbaycan dilinin milli dövlətçiliyin başlıca rəmzlərindən olaraq istifadəsi və əsaslı tədqiqi, ölkədə dilçilik elmi sahəsində vəziyyətin yaxşılaşdırılması üçün əlverişli zəmin yaratdığı diqqətə çatdırılıb. Vurğulanıb ki, dil hər bir millətin maddi və mənəvi irsini qoruyan və inkişaf etdirən ən mühüm və ən güclü vasitədir. Hər bir insan öz ana dilini yaxşı bilməli və onu qorumalıdır.
Sonra qarşılıqlı fikir mübadiləsi aparılıb.
