Gəncədə müəllimlər üçün vakant yerlər açılıb. Bu haqda 20 sentyabr tarixində Regional Təhsil İdarəsinə istinadən xəbər veririk.
Ümumi təhsil müəssisələrində müəllimlərin işə qəbulu başlanıb. Vakant yerlərdə müddətli əmək müqaviləsi ilə ikinci iş yeri kimi çalışmaq mümkündür. İşə qəbul prosesində 70 faiz nəticə əldə edənlər və həmin rayon, ya da şəhər üzrə ümumi təhsil müəssisələrində hazırda müddətsiz əmək müqaviləsi ilə fəaliyyət göstərənlər də iştirak edə bilərlər.
Bir vakant yerə bir neçə namizəd olduqda ixtisas balı və əmək stajı nəzərə alınır.
Son müraciət tarixi 22 sentyabrdır. Maraqlanan namizədlər yerli təhsil sektorlarına ərizə ilə müraciət etməlidirlər.
