Dövlət Məşğulluq Agentliyinin sədri Gəncəyə səfər edib. Bu haqda 25 iyul tarixində agentliyə istinadən xəbər veririk.
Agentliyin sədri Mustafa Abbasbəyli Azərbaycan Texnologiya Universitetinin tələbə və müəllim heyəti ilə görüşüb. O, qurumun fəaliyyəti, gənclərin əmək bazarına hazırlanması istiqamətində görülən işlər və tədris müəssisələri ilə əməkdaşlıq barədə danışıb. Abbasbəyli bildirib ki, agentliyin əsas missiyalarından biri gənclərin əmək bazarına düzgün hazırlanmasıdır.
Qeyd olunub ki, Agentliyin Mərkəzi Karyera filialı tərəfindən Karyera Mərkəzləri üçün standartlar hazırlanıb. Qarşıdakı dövrdə ATU-da bu meyarlar əsasında Karyera Mərkəzinin yaradılmasına dəstək göstəriləcək.
Sonda universitetin tələbə və müəllim heyətinin sualları cavablandırılıb.
