Gəncədə universitetlərdən birində tədbir keçirilib. Bu haqda 26 sentyabr tarixində ATU-ya istinadən məlumat veririk.
“Əsrin müqaviləsi” mövzusunda tədbir Azərbaycan Texnologiya Universitetində baş tutub. Burada giriş sözü ilə sosial məsələlər və ictimaiyyətlə əlaqələr üzrə müşavir Şahmar Həsənov çıxış edib.
Sonra Marketinq kafedrasının müdiri M.Urkayev, əməkdaşları dosent Rafael Şükürov, Ayxan Bahadurlu və Aişə Məmmədova “Əsrin müqaviləsi”nin əhəmiyyətindən, Azərbaycanın iqtisadi yüksəlişində və bu gün öz torpaqlarını işğaldan azad edən, güclü ordusu olan dövlətə çevrilməsində rolundan danışıblar.
