Gəncədə imtahan zallarına baxış keçirilib. Bu haqda 20 iyun tarixində Regional Təhsil idarəsinə istinadən məlumat veririk.
Gəncə - Daşkəsən Regional Təhsil İdarəsinin müdiri təhsilverənlərin sertifikasiyaya cəlb olunacağı mərkəzləri ziyarət edib. O, burada yaradılan şəraitlə tanış olub, ümumi prosesin gedişatı zamanı yarana biləcək texniki problemlərə qarşı hazırlığın tam təmin olunması istiqamətində öz tapşırıqlarını verib.
Qeyd edək ki, təhsilverənlərin sertifikatlaşdırılması prosesinin test imtahanı mərhələsi 22-24 iyun tarixlərində 2 mərkəzdə (12 və 28 nömrəli tam orta məktəblərdə) təşkil olunacaq.
