Gəncədə abadlıq işləri görülüb. Bu haqda 23 fevral tarixində MKTİB-nin mətbuat xidmətinə istinadən məlumat veririk.
Xocalı faciəsinin ildönümü münasibətilə Mənzil Kommunal Təsərrüfatı İstehsalat Birliyinin Yaşıllaşdırma şöbəsi tərəfindən Əsrin Faciəsində şəhid olanların xatirəsinə ucaldılmış abidənin ətrafında abadlıq-quruculuq, yaşıllaşdırma işləri aparılıb. Şöbənin əməkdaşları tərəfindən “Ana harayı” abidəsinin ətrafına gül və dekorativ bitkilər əkilib, mövcud yaşıllıqlara aqrotexniki qulluq göstərilib.
