Gəncədə 16 nömrəli kitabxana filialında tədbir keçirilib. Bu haqda 1 avqust tarixində Regional Mədəniyyət İdarəsinə istinadən xəbər veririk.
“Ana dili hər bir xalqın milli kimliyidir” mövzusunda ədəbi-bədii gecə Azərbaycan Əlifbası və Azərbaycan Dili Günü ilə əlaqədar təşkil olunub. Tədbirdə 4 nömrəli Uşaq Musiqi Məktəbinin müəllimləri, şagirdləri, Mir Cəlal Paşayevin ev-muzeyinin əməkdaşları, Maarif Evinin kollektivi və könüllüləri iştirak ediblər.
Çıxış edənlər bildiriblər ki, respublikada dil siyasətinin formalaşdırılması, Azərbaycan dilinin dövlət dili kimi tətbiqi işinin təkmilləşdirilməsi və dünya azərbaycanlılarının ünsiyyət vasitəsinə çevrilərək milli birliyin və həmrəyliyin göstəricisi kimi beynəlxalq aləmdə rolu və nüfuzunun yüksəlməsi ümummilli lider Heydər Əliyevin adı ilə bağlıdır.
Daha sonra Uşaq Musiqi Məktəbinin müəllim və şagirdləri “Vətənimdir”, “Ay Laçın”, “Məhəbbət əfsanəsi”, “Prelüd” və “Şən Azərbaycan” mahnılarını oxuyublar.
