Gəncə təmsilçisinin üzvləri üçün seminar keçirilib. Bu haqda 9 fevral tarixində futbol klubuna istinadən məlumat veririk.
Oyun qaydaları ilə bağlı seminar AFFA-nın Hakimlər Komitəsi tərəfindən “Kəpəz”in üzvləri üçün təşkil olunub. Burada futbolçuların meydandakı ümumi davranışına diqqət çəkilib, nizam-intizamdan söhbət açılıb. Hakim qərarlarına etirazlar, simulyasiya epizodları, düşüncəsiz qayda pozuntuları, ofsayd vəziyyətləri ilə bağlı fikir mübadiləsi aparılıb, sual-cavab edilib. Çempionat oyunlarından mübahisəli epizodlar görüntülü şəkildə müzakirəyə çıxarılıb.
Seminar AFFA-nın Hakimlər Komitəsinin üzvü Anar Salmanov və hakimlərin fiziki hazırlıq üzrə məşqçisi Namiq Quliyev tərəfindən keçirilib.
