Gəncədə bir qrup tələbə heyvandarlıq barədə maariflənib. Bu haqda 11 oktyabr tarixində ADAU-ya istinadən xəbər veririk.
Azərbaycan Dövlət Aqrar Universitetinin Zoomühəndislik ixtisası üzrə ikinci kurs tələbələri Heyvandarlıq Elmi-Tədqiqat İnstitutunda olublar. Onlar müəssisənin maddi-texniki bazası və laboratoriyaları ilə yaxından tanış olublar.
Tələbələrə ETİ-nin balansında olan təcrübə təsərrüfatında aparılan işlər və istifadə olunan yeni texnologiyalar göstərilib, heyvanların yemlənmə üsulları, yerli və xarici heyvan cinsləri, yardımçı təsərrüfat barədə məlumat verilib.
