Gəncədə təhsil alan tələbələr debat yarışının finalında mübarizə aparacaqlar. Bu haqda 22 dekabr tarixində Azərbycan Dövlət Aqrar Universitetinə (ADAU) istinadən məlumat veririk.
ADAU-da Debat klubunun üzvləri ilə görüş təşkil olunub. Universitetin rektoru vəzifəsini icra edən Zəfər Qurbanov tələbələri Gəncə şəhərində keçirilən debat yarışında qalib olmaları münasibətilə təbrik edərək, onlara öz tövsiyələrini verib. Tələbələr qarşıda keçiriləcək yarışlara həvəslə hazırlaşdıqlarını bildiriblər.
Qeyd edək ki, Avropa İttifaqının maliyyə dəstəyi, BMT-nin Əhali Fondu və BMT-nin Qadınlar Agentliyinin təşkilatçılığı ilə həyata keçirilən "Gender əsaslı zorakılıq və ayrı-seçkiliyə qarşı Debat Forumu" kampaniyası çərçivəsində Gəncə şəhərində debat forumu keçirilib. Burada mübarizə aparan ADAU-nun "Avengers" komandası böyük finala vəsiqə qazanıb.
