Gəncədə bir qrup şəxs Azərbaycan Dövlət Aqrar Universitetində olub. Bu haqda 17 oktyabr tarixində universitetə istinadən xəbər veririk.
Daşınmaz Əmlakın Dövlət Kadastrı və Reyestrinin bir qrup nümayəndəsi ADAU əməkdaşları və rəhbərliyi ilə görüşüb. Burada Daxili Nəzarət Departamentinin rəisi Yusif Qəmərli, müavini Əliağa Paşayev, Kadrlar Departamentinin rəisi Rauf Abbasov, müavini Fuad Əsgərov və Gəncə Ərazi İdarəsinin rəisi Fizuli Əliyev və universitetin rektoru Zəfər Qurbanov iştirak ediblər.
Tədbirdə Zəfər Qurbanov universitetdə aparılan elmi-tədqiqat işlərinin əsas istiqamətləri barəsində danışıb. Daha sonra Rauf Abbasov qeyd edib ki, qurumların əsas hədəflərindən biri ADAU ilə birgə yüksək ixtisaslı mütəxəssislərin hazırlanması və məzunların işlə təmin olunmasıdır.
Daha sonra həmin qurumun əməkdaşları ilə Aqrotexnologiya fakültəsinin bir qrup tələbəsi arasında görüş keçirilib. Burada karyera imkanları və müasir standartlara cavab verən mütəxəssislərə olan tələbatdan danışılıb, tələbələrin sualları cavablandırılıb.
