Gəncədə təltifetmə mərasimi keçirilib. Bu haqda 23 sentyabr tarixində ADAU-ya istinadən məlumat veririk.
Ötən gün Azərbaycan Dövlət Aqrar Universitetində Türkiyənin İqtisadi İnkişaf və Sosial Araşdırmalar İnstitutu (İKSAD) və EGE Universiteti ilə birlikdə hibrid formatda Beynəlxalq Ərzaq, Kənd Təsərrüfatı və Baytarlıq Elmləri üzrə VI beynəlxalq konfransın keçirilməsi barədə xəbər paylaşmışdıq. Tədbir ikinci günündə işini bölmələrdə davam etdirib.
Hibrid formatda davam edən konfransda 3 bölmənin işi ADAU-da əyani, 18-i isə onlayn şəkildə keçirilib. Beynəlxalq konfransa 25 ölkədən 300-dən çox məqalə göndərilib.
Sonda iştirakçılar sertifikatlarla təltif olunublar.
