Türkiyəli bloger Gəncəyə səfər edib.
Gencexeber.az-ın məlumatına əsasən, Bahadır Tortop adlı həvəskar səyyah Gəncə macəralarını bölüşüb. O, qaldığı hosteli, yediyi yeməkləri, şəhərimizin tarixi abidələrini lentə alaraq paylaşıb və onlar haqda məlumat verib.
Səyyah xüsusi olaraq insanların qonaqpərvərliyini vurğulayıb. Ən çox İmamzadə yolunda yaşadığı hadisə onda xoş təəssürat yaradıb.
Bahadırın sözlərinə görə, ziyarətgaha getmək üçün nəqliyyat vasitəsi axtaran zaman, ona sakinlərdən biri öz maşınında pulsuz aparmağı təklif edib. Bundan başqa, sürücünün yanındakı qadın turistə çörək təklif edib və pulunun olub-olmamasını soruşub:
“Məndən soruşdu - “Pulun var?” Cavab verdim ki, bəli. Sonra isə o, “pulun yoxdursa, sənə öz pulumdan verim” söylədi. Həqiqətən burada insanlar çox qonaqpərvərdir”, – deyə səyyah bildirib.
