Gəncədə velosiped idman növü üzrə məşqçilərlə görüş keçirilib. Bu haqda 17 yanvar tarixində Gənclər və İdman Baş İdarəsinə istinadən məlumat veririk.
Gənclər və İdman Baş İdarəsinin rəisi Həmid Nəsirov Gəncəyə təyin edilmiş velosiped idman növü üzrə məşqçilərlə bir sıra idman qurğularına baxış keçirib. Azərbaycan Velosiped Federasiyası tərəfindən yeniyetmələrin velosiped idman növünə olan marağının artırılması məqsədilə məşqçilər heyəti göndərilib. Məşqlər Oleksandr Averin və Maksim Averin-Karevskiy tərəfindən keçiriləcək.
Bu məqsədlə tikilməkdə olan yeni Gəncə İdman Sarayına, Gəncə Olimpiya İdman Kompleksinə baxış keçirilib və burada gələcəkdə velosiped bazasının yaradılması və velotrekin qurulmasının nəzərdə tutulması müzakirə edilib.
