Gəncədə elmi-praktik kofrans təşkil olunacaq. Bu haqda 25 fevral tarixində UTECA-ya istinadən məlumat veririk.
“Dördüncü sənaye inqilabı və innovativ texnologiyalar” mövzusunda konfrans 3-4 may 2023-cü il tarixində Azərbaycan Texnologiya Universitetində baş tutacaq. Hibrid formatda keçiriləcək beynəlxalq elmi-praktik konfrans Heydər Əliyevin 100 illik yubleyinə həsr olunur.
Konfransın bölmələri aşağıdakı kimidir:
- Süni intellekt, robototexnika və informasiya texnologiyaları;
- Qida sənayesində innovativ texnologiyalar;
- Tekstil və yüngül sənayedə innovativ texnologiyalar;
- Dizaynda innovativ texnologiyalar;
- Maşınqayırma, nəqliyyat və logistikada innovativ texnologiyalar;
- Metal və materiallarda innovativ texnologiyalar;
- Rəqəmsal iqtisadiyyatın marketinq və menecmenti;
- Turizm və ekologiyada innovativ texnologiyalar;
- Multikultural təhsildə innovativ texnologiyalar;
- Yaşıl iqtisadiyyat və dayanıqlı inkişaf.
Qatılmaq istəyən şəxslər tezisləri 5 aprel tarixinədək conference@uteca.edu.az elektron ünvanına göndərməlidirlər.
