Gəncədə yeni istirahət guşəsi fəaliyyətə başlayıb.
Gencexeber.az şəhər İcra Hakimiyyətinə istinadən məlumat verir ki, uşaqlar üçün yeni mini park salınıb. İstirahət guşəsi şəhərin M.A.Abbaszadə və Azərbaycan Bayrağı küçələrinin kəsişməsində, Gəncə Dövlət Kukla Teatrının qarşısında yaradılıb.
Qurumdan verilən məlumata əsasən, sözügedən parkın 2 min kvadratmetr ərazisinin daş döşəməsi və bordürləri yenilənib. Həmçinin buraya 10 ədəd oturacaq yerləşdirilib, müasir işıqlandırma sistemi, uşaqlar üçün kiçik attraksion və idman alətləri quraşdırılıb, zibil qutuları yeniləri ilə əvəzlənib, mövcud yaşıllıqlara qulluq göstərilib.
Bununla yanaşı, uşaqların cizgi filmlərindən tanıdıqları personajların və nağıl qəhrəmanlarının heykəlləri də qoyulub. Ərazidə mövcud fəvvarə əsaslı şəkildə təmir olunaraq istifadəyə verilib.
