Gəncədə yeni memorandum imzalanıb. Bu haqda 17 fevral tarixində Destinasiya Menecmenti Təşkilatına istinadən məlumat veririk.
Mingəçevir Turizm Kollecinin nümayəndələri Gəncə Regional Turizm İnformasiya Mərkəzini ziyarət ediblər. Tərəflər arasında birgə əməkdaşlığa dair anlaşma memorandumu imzalanıb. Sənədi kollecin direktoru Kamal Əhmədov və Turizm İnformasiya Mərkəzinin direktoru Zaur Bayramov imzalayıblar.
Kamal Əhmədov bildirib ki, memorandum turizm və təhsil sahəsində geniş istiqamətləri əhatə edəcək və peşəkar mütəxəssislərin yetişdirilməsində böyük rol oynayacaq.
Memorandumda MTK tələbələrinin mərkəzdə könüllü və istehsalat təcrübəsi üzrə müxtəlif proqramlarda iştirakı, tələbə və məzunlar üçün iş imkanlarının yaradılması, kollecdə təşkil olunan müxtəlif tədbirlərə mərkəzin əməkdaşlarının dəvət olunması, layihə və tədqiqatların həyata keçirilməsində birgə iştirak, konfransların, təlimlərin, ustad dərslərinin, seminarların təşkili, ictimai əhəmiyyət kəsb edən təşəbbüslərin dəstəklənməsi və digər məsələlər əksini tapıb.
