Klubların dünya reytinq siyahısı təqdim edilib. Beynəlxalq Futbol Tarixi və Statistikaları Federasiyasının (IFFHS) siyahısında planetin 504 ən yaxşı komandası yer alıb.
Oxu.аz xəbər verir ki, Azərbaycan cədvəldə dörd klubla təmsil olunub.
"Qarabağ" 177.50 xalla dünyada 67-cidır. Qurban Qurbanovun komandası ötən ayla müqayisədə 5 pillə irəliləyib.
"Zirə" 94.25 xalla 219-cu yerdədir. Bakı klubunun mövqeyi dəyişməz qalıb.
62.50 xala malik "Sabah" 9 pillə irəliləyib. Paytaxt təmsilçisi 409-cudur.
Ən yaxşılar sırasına yeni daxil olan "Turan Tovuz" 53.75 xalla 496-cıdır. Kurban Berdıyevin komandası 31 addımlıq sıçrayışa imza atıb.
