Gəncədə Türkiyə üçün yardım toplanılan məntəqələrin sayı artır. Bu haqda Gencexeber.az-a 8 fevral tarixində məlumat daxil olub.
Daha bir məntəqə Yeni Gəncədə, 28 May küçəsində yaradılıb. Təşəbbüs “Böyük ucuzluq” ticarət mərkəzinin rəhbərliyi tərəfindən irəli sürülüb. Türkiyədə zəlzələdən zərər çəkmiş insanlara kömək etmək istəyən sakinlər bura yardımlarını gətirirlər.
Bundan başqa, Gəncə-Şəmkir şosesinin sol tərəfində yerləşən “Galaxy Tekstil” fabrikində də yardımlar toplanılır.
Türkiyənin Gəncədəki Baş Konsulluğundan bildirilib ki, işlənmiş geyimlər qəbul olunmur.
"Geyinilmiş paltarlar göndərməyin. Yarana biləcək hər-hansı virus və ya xəstəliyin yayılmaması üçün profilaktiki olaraq bu addımı atırıq”, - deyə məlumat verilib.
Qeyd edək ki, bu, yorğan-döşəklərə aid edilmir.
