Daha bir yardım karvanı yola salınıb. Bu haqda 16 fevral tarixində Report-a istinadən məlumat veririk.
Malatyada zəlzələdən zərər çəkən insanlara dəstək məqsədilə Füzuli, Ağsu, Şəmkir rayonlarından və Gəncə şəhərindən toplanan yardımlar Türkiyəyə göndərilib. Burada, əsasən, isti paltarlar, istilik vasitələri, yorğanlar, adyallar, uşaq bezləri, uşaq yeməkləri, qablaşdırılmış qidalar, tibb və gigiyenik ləvazimatlar olub. Ümumilikdə 25.752 kiloqram humanitar yardım 3 TIR ilə qardaş ölkəyə doğru hərəkət edib.
