Gəncə idmançıları ölkəmizi xaricdə təmsil edəcəklər. Bu haqda Gencexeber.az-a 15 iyul tarixində məlumat daxil olub.
17-23 iyul tarixlərində Türkiyənin Ədirnə şəhərində Uşu idman növü üzrə VII Balkan açıq birinciliyi, Avrasiya kuboku keçiriləcək. Burada ölkəmizi 22 idmançı təmsil edəcək. Onların arasında Nizami yurdunun yetirmələri də yer alacaqlar.
Bundan başqa, Azərbaycan Döyüş Federasiyaları Assosiasiyasının Qərb bölgəsi üzrə sədr müavini Respublika dərəcəli hakim Fəxri Namazlı Avrasiya kubokunda hakim, Elvin Quliyev isə məşqçi-müəllim kimi şəhərimizi təmsil edəcəklər.
Ümumilikdə Nizami yurdundan 1 hakim, 1 məşqçi və 7 idmançı yarışa qatılacaq.
