Türkiyədə dağıntılar altında qalan gəncəli tələbə tapılıb. Bu haqda 15 fevral tarixində İTV-yə istinadən məlumat veririk.
Malatyada zəlzələ zamanı dağıntılar altında qalmış tələbəmiz Şahin Vəliyevin cansız bədəni tapılıb. Onun nəşi dayısı tərəfindən təsdiqlənib.
Xarici işlər Nazirliyi bununla bağlı paylaşım edib. “Malatya şəhərində aparılan axtarış tədbirləri nəticəsində 2001-ci il təvəllüdlü Azərbaycan vətəndaşı Vəliyev Şahin Nail oğlunun vəfat etdiyi məlum olub. Bununla zəlzələ nəticəsində həlak olan Azərbaycan Respublikası vətəndaşlarının sayı 6 nəfərə çatıb.
Bundan başqa, Şahin Vəliyevlə eyni evdə kirayədə qalan digər azərbaycanlı tələbələr - Gündüz Nəzərzadə, Hümam İsmayıllı və Samir Quliyevin də nəşi dağıntılar altından çıxarılıb və yaxınları tərəfindən təsdiqlənib.
Qeyd edək ki, Şahin Vəliyevin anası Esmira Hüseynovanın sözlərinə görə, mərhumun valideynləri və 3-cü sinif şagirdi olan kiçik qızı Vətən müharibəsində Gəncənin raket atəşinə tutulduğu zaman xəsarətlər alıblar. Ana qeyd edib ki, qızcığaz dağıntıların altından möcüzə nəticəsində xilas edilib.
