Gəncədə tibb müəssisələrinə yeni təyinatlar olub. Bu haqda 23 fevral tarixində Birləşmiş xəstəxanaya istinadən məlumat veririk.
TƏBİB-in İcraçı direktoru Vüqar Qurbanov əmrlər imzalayıb. Belə ki, Ruslan Əliyev Gəncə Şəhər Birləşmiş Xəstəxanası direktorunun inzibati məsələlər üzrə müavini təyin edilib. Daha öncə o, Dövlət Sosial Müdafiə Fondunun Gəncə şəhəri, Nizami rayon şöbəsində Pensiya sektorunun müdiri vəzifəsində çalışıb.
Anar Məmmədov xəstəxana direktorunun müavini və Abbas Səhhət adına xəstəxananın rəhbəri təyin olunub. O, bundan əvvəl Akademik Z. Məmmədov adına xəstəxananın uzman həkim-uroloqu kimi fəaliyyət göstərib.
Əmiralı Yusifov xəstəxana direktorunun müavini və Kardioloji xəstəxananın rəhbəri vəzifəsinə təyin olunub. Yusifov bundan qabaq adıçəkilən tibb müəssisəsinin rəhbəri vəzifəsini icra edib.
Akademik Z.Məmmədov adına xəstəxananın rəhbəri vəzifəsini icra etmək Azad Quliyevə həvalə olunub. O, daha öncə Abbas Səhhət adına xəstəxanada həkim-cərrah kimi fəaliyyət göstərib.
