Seyfəli poliqonunda döyüş sursatlarının məhv edilməsi həyata keçirilir.
Gencexeber.az Müdafiə Nazirliyinə istinadən xəbər verir ki, sözügedən işlər 5 gün davam edəcək.
“Azərbaycan Ordusunun bölmələri tərəfindən istismar müddəti başa çatmış və istifadəyə yararsız döyüş sursatlarının təhlükəsizlik qaydalarına riayət olunmaqla planlı şəkildə məhv edilməsi davam etdirilir. Döyüş sursatlarının məhv edilməsi prosesi 14.10.2024-cü il tarixdən 18.10.2024-cü il tarixədək Seyfəli poliqonunda həyata keçiriləcək”, – məlumatda deyilir.
Bildirilir ki, aparılan utilizasiya işləri ilə əlaqədar ictimaiyyətə mütəmadi olaraq məlumat veriləcək.
