Şəhriyar adına Mədəniyyət Mərkəzində Gəncə Dövlət Filarmoniyası konsert təqdim edəcək.
Gencexeber.az Gəncə Dövlət Filarmoniyasına istinadən məlumat verir ki, "Sevgi nəğmələri" adlı konsert proqramı "Gəncədən Bakıya" layihəsi çərçivəsində "Göygöl" Dövlət Mahnı və Rəqs Ansamblının iştirakı ilə təşkil olunacaq.
Konsert proqramı noyabrın 29-u saat 19:00-da nümayiş olunacaq. Burada filarmoniyanın solistlərinin iştirakı ilə Azərbaycan bəstəkarlarının sevilən mahnıları səsləndiriləcək.
