“Kəpəz”in yeni üzvü müsahibə verib. Bu haqda 3 avqust tarixində Report-a istinadən məlumat veririk.
Söhbət təmsilçimizin yeni transferi Olavale Onanuqadan gedir. Nigeriyalı yarımmüdafiəçi vaxt keçdikcə daha yaxşı formada olacağını bildirib. 26 yaşlı futbolçunun sözlərinə görə, komanda yeni mövsümə hazırdır:
“Bura gəldiyimə görə şadam. Mehriban kollektivimiz var. Komanda şəklində əlimizdən gələnin ən yaxşısını etməyə çalışacağıq. Hazırlığımız yaxşı gedir. Məşqçilərimizin bizdən nə istədiklərini bilirik. Həmin tapşırıqları yerinə yetirməyə çalışırıq. Məqsədimiz uğurlu çıxış etməkdir. Bunun üçün səylə məşq edirik”, - deyə Onanuqa bildirib.
O, həmçinin qeyd edib ki, burada özünü evindəki kimi hiss edir. Komandaya uyğunlaşma prosesi tez keçir.
