Gəncədə bir sıra xəstəxanaların təmirə ehtiyacı var. Bu haqda 16 yanvar tarixində Marja-ya istinadən məlumat veririk.
Sakinlərdən biri şəhər 3 saylı xəstəxanasının, Gəncə Ailə Sağlamlıq Mərkəzinin, Vərəm Əleyhinə Xəstəxananın vəziyyətindən narazıdır.
“Xəstəxanalar xarabalıqdır, dərman, ərzaq, istilik, şərait və avadanlıqlar yoxdur. Hamilə qadınların müayinə olunduğu Gəncə Ailə Sağlamlıq Mərkəzi odun sobası ilə isidilir. Zirzəmisində - siçovul yuvası və sərxoşların ayaqyolusu olan yerdə isə indi körpələrin peyvənd otağı yerləşir", - deyə sakin bildirir.
Onun sözlərinə görə, TƏBİB və Gəncə Birləşmiş Xəstəxanasına etdiyi müraciətlər cavabsız qalıb.
