Gəncə şahmat məktəbinin yetirməsi yarışda uğur əldə edib. Bu haqda 26 iyun tarixində Report-a istinadən xəbər veririk.
Azərbaycan Şahmat Federasiyası və Azərbaycan Respublikası Gənclər və İdman Nazirliyinin birgə təşkilatçılığı ilə şahmat üzrə 14, 16 və 18 yaşadək oğlanlar və qızlar arasında ölkə çempionatının qalibləri müəyyənləşiblər. Turnirdə iştirak edən təmsilçimiz ikinci yeri tutub.
Gəncə şahmat məktəbinin yetirməsi Leyla Budaqova 9,5 xalla ikinci yerlə kifayətlənib. Ölkə çempionatlarında ilk üç yeri tutan şahmatçılar Gənclər və İdman Nazirliyinin diplomı və medalları ilə təltif olunublar. Çempionatın qalibləri müvafiq yaş qruplarında dünya çempionatına, ikinci yeri tutan şahmatçılar isə Avropa çempionatına ezam ediləcəklər.
